Sunday, February 3, 2013

Dream On...

0 Kicks So Far

Raat ko mere aankh mein aaya, ek adhoora sapna

Us sapne se poocha maine, kis mitti ka bana hai tu

Adha adhoora iss palak se uss palak ghoomta hai

Din main jo aankhein beech loon to bhi to tu peecha na chodta hai

Raat ko aa aakar aankhon main toot ta hai

Shant akela semha sa kabhi andhere kabhi ujaale mein kya doondta hai

Kissi se kuch na kehta hai

Tu kyun chup chup sa rehta hai

Sapna bola, main aisi duniya ka vasi hoon jahan din-raat ka koi bhaedh nahin

Jo poora ho jaoon to mein sapna nahin

Main to kabhi rukta nahin

Pal mein toot-ta pal mein ban-ta hoon

Kabhi poorani baton ki to kabhi sunehre kal ki tasveerein doondta hoon

Jo so gayi hai tere andar ki chahatein unhein jhanjhorta hoon

Issliye kissi se kuch na kehta hoon

Issliye chup chup main rehta hoon